کَمپیوٗٹَر
     

کَمپیوٗٹَر چھُ اَکھ مِشیٖن۔ یێمؠسُنٛد کأم چھُ ڈیٹا تھَوُن، حِساب یا گرَٛنٛد کَرُن۔ یێمہِ باپَتھ چھِ "کَمپیوٗٹَر پرٛوگرٛیم" آسان۔ اَز کَل چھِ کَمپیوٗٹَر واریاہَن مَشیٖنَن مَنٛز اِستعمال گَژھان، مَشلَن موبایل فون، مایکروویو اَوَن تہٕ وِڈیو گیم۔ یِم چھِ خورد عامَل (مایکروپروسیسَر) اِستعمال کَران۔

کَمپیوٗٹَر

لَفظٕ آگُراؠڑِٹ

یہِ لَفٕظ چھُ انٛگریٖزی لَفٕظ computer (کَمپیوٗٹَر) پؠٹھٕ آمُت۔ یێمؠسُنٛد مَطلَب چھُ "حِساب کَرَن وول" یَتھ مَنٛز چھُ موٗل لَفٕظ compute (کَمپیوٗٹ) یێمؠُک چھُ مَطلَب 'حِساب کَرُن' یا 'گرَٛنٛد کَرُن'۔

تَوأریٖخاؠڑِٹ

وُہِم صَدیٖ برٛۆنٛہہاؠڑِٹ

حِساب کَرنہٕ باپَتھ چھِ واریاہَن ؤریٖ پؠٹھ مَشیٖن اِ​ستعمال گَژھان۔ گۄڈ اوس گِنتارٕ (abacus) اِستعمال گَژھان۔ ۱۷۷۰ مَنٛز اوس پیٔر جیکے دروَن (اَکھ سوِٹذَرلینڈُک اَکھ گٔر بَناوَن وول) اوس اَکھ پۄتُل بَنومُت، یُس اوس پانہٕ چِٹھؠ لیٖکھِتھ ہێکان۔

گۄڈٕنٕکؠ کَمپیوٗٹَراؠڑِٹ

چارلز بیبیجَس چھِ "کَمپیوٗٹَرَن ہُند مول" مانان۔ تٔمؠ اوس گۄڈ کَمپیوٗٹَر بَنومُت یێمؠسُنٛد ناو اوس "ڈِفرینس اِنجَن"۔ پَتہٕ اوس تٔمؠ اَکھ "اِینیلِٹِکَل ا​نجَن" (analytical engine) بَناونٕچ کوشِش کٔرمٕژ، مَگَر سۄ أس ناکام، کیٛازِکہِ انٛگریٖزی سَرکارَن کۆر نہٕ تٔمِس مَدَتھ۔ مَگَر ۱۸۸۸ مَنٛز تێمسٕنٛدؠ نێچِوؠ (ہینریٖ بیبیج) بَنوو اینیلِٹِکَل ا​ِنجَن ہُنٛد اَکھ لَکُٹ روٗپ۔

جدیٖد کَمپیوٗٹَراؠڑِٹ

تَصَوُراؠڑِٹ

جَدیٖد کَمپیوٗٹَرُک تَصَوُر اوس ایلین ٹیوٗرِنٛگَن اَکھ مَظموٗن "آن کَمپیوٗٹیبَل نَمبَرز" مَنٛز لیوٗکھمُت۔اَتھ مَنٛز چھُ اَہَم چیٖز زِ کانٛہ تہِ کَمپیوٗٹَر ہێکہِ حُکَم (instructions) ہێتھ کانٛہ تہِ حِساب یا گرَٛنٛد (کَمپیوٗٹ) کَرِتھ۔ اَزٕکؠ کَمپیوٗٹَر چھِ سأریٖ ٹیوٗرِنٛگ ہُند تَصَوُر اِستعمال کَران۔

سٹورڈ پرٛوگرٛام کَمپیوٗٹَراؠڑِٹ

کَمپیوٗٹَر پرٛوگرٛامَس چھُ مَطلَب : کَمپیوٗٹَرَس خٲطرٕ حُکَم۔ پرٛأنؠ کَمپیوٗٹرَن مَنٛز اوس حُکَم گۄڈ پؠٹھٕ لیکھمٕتؠ آسان، تہٕ پَتہٕ ٲسؠ نہٕ بَدلان۔ مینچیسٹَر بیبیٖ اوس أکِم سٹورڈ پرٛوگرٛام کَمپیوٗٹَر۔ یێمؠسُنٛد أکِم پرٛوگرٛام اوس ۲۱ جوٗن ۱۹۴۸۔