سپروفلاکسن

سپروفلاکسن چھ اَکھ اینٹی بائیوٹک یُس واریاہ بیکٹیریل انفیکشن ہٕنٛدؠ علاج خٲطرٕ اِستِمال گژھان چھُ۔ اَتھ مَنٛز چھُ أڈجن تہٕ جوڑن ہنٛد انفیکشن، یڈ مَنٛز انفیکشن، مخصوص قسمک دست، شاہ نالہٕ ہُنٛد انفیکشن، ژمہ ہنٛد انفیکشن، ٹایفایڈ بخار تہٕ پیشابچ نالہٕ ہُنٛد انفیکشن شٲمل۔ کیٚنٛہہ انفیکشنن خٲطرٕ چھُ یہِ باقی اینٹی بائیوٹکس سٟتؠ اِستِمال یوان کرنہٕ۔ یہِ ہیٚکو ٲس ذٔریعہٕ، أچھن ہٕند ڈراپ پٲٹھؠ، کَنَن ہٕنٛد ڈراپ ٔٲٹھؠ، یا رگو کِن نتھ۔

عام ضمنی اثراتن مَنٛز چھ متلی، الٹی، دست تہٕ راش شٲمل۔ شٔدیٖد ضمنی اثرَن مَنٛز چھُ ٹیٚنڈن پھٹنُک خطرٕ بڑُن، ہالوسینیشن، تہٕ رَگہِ نۄقصان واتُن شٲمِل۔۔ میاستھینیا گریویس والین لوکن مَنٛز چھُ مژھن ہنز کمزوری زیٛادٕ گژھان۔ ضمنی اثراتن ہٕنٛز شرح چھِ اینٹی بائیوٹکس کیٚن کینٛہہ گروپن یَتھ کٔنؠ زَن سیفلوسپورن کھۄتہٕ زِیٛادٕ باسان مگر باقیو کھۄتہٕ کم یَتھ کٔنؠ زَن کلنڈامائسن۔ باقین جانورن ہنٛد مطالعہٕ چھُ حملس مَنٛز اِستِمال کس بارس مَنٛز خدشات پٲدٕ کران۔ تاہم، دَوا ننہٕ واجنہ زنانن ہنٛز اَکھ لۄکٹ تعداد ہنٛدین بچن مَنٛز چھنہٕ کانٛہہ مسلہٕ لبنہٕ آمُت۔ یہٕ چھ دۄد چیناونس دوران مۄحفوٗظ نظر یوان۔ یہِ چھُ دویمہِ نسلہِ ہُنٛد فلوروکوئنولون یَتھ مَنٛز سرگرمیہِ ہُنٛد اَکھ وسیع سپیکٹرم چھُ ییٚمہِ کِس نٔتیٖجس مَنٛز عام طور بیکٹیریا مران چھِ۔

سیپروفلوکسین آو 1980 مَنٛز پیٹنٹ کرنہٕ تہٕ 1987 مَنٛز آو متعارف کرنہٕ۔ یہِ چھُ ورلڈ ہیلتھ آرگنائزیشن کِس ضروٗری ادوِیاتن ہِنٛدِس فہرستَس مَنٛز شٲمِل۔۔ یہِ چھ عام دوا طور دستیاب۔ ترقی پذیر دنیا مَنٛز چھ تھوک قٟمَتھ 0.03 تہٕ 0.13 ڈالر فی ڈوزس درمیان۔ ریاستہائے متحدہس مَنٛز چھ یہٕ تقریبا 0.40 امریکی ڈالر فی ڈوزس پؠٹھ کٕننہٕ یوان۔ 2017 مَنٛز، اوس یہِ ریاستہائے متحدس مَنٛز 107 ہم سارِوٕے کھوتہٕ زیٛادٕ عام طور پٲنٹھ تجویز کرنہٕ آمت دَوا، یَتھ مَنٛز شیٚیہ ملین کھوتہٕ زیٛادٕ نسخہٕ ٲس آمت دینہٕ۔