1931 کشمیٖر تٔحریٖک
برطانوی راج مَنٛز گٔیہ پوٗرٕ رِیاسَتھ جموں و کشمیر مَنٛز 1931 تھس مَنٛز مہاراجہ سٕنٛدس حکوٗمتس خَلاف بٔڑس پیمانس پؠٹھ احتجاج۔ مہاراجہ آو مجبوٗر کرنہٕ ز سہ کر عوام کؠن خدشاتن ہِنٛز چھان بیٖن کرنہٕ خٲطرٕ گلینسی کمیشن مقُرر۔ مختٔلف سیٲسی اصلاح آیہ اختیار کرنہٕ یَتھ مَنٛز جموں و کشمیر پرٛجا سبھا (قانون ساز اسمبلی) شٲمل۔ اَتھ تٔحریٖکہ مَنٛز اوس شیخ محمد عبداللہ بطور کٲشرؠن ہنٛد رہنما تہ ابھرنہٕ آمت۔ اَتھ تٔحریٖکس آو کینٛہہ اصل پٲٹھؠ بنن وٲلؠ مُسلمان زیلدارن تہٕ کاربٲری ہاؤسن ہٕنٛد ذٔریع مٲلی امداد دنہٕ۔[2]
 سردار گوہر رحمان، مستری یعقوب علی، شیخ عبداللہ تہٕ چودھری غلام عباس تہٕ غلام حسین راتھر (کھڑا ): مولوی عبدالرحیم (دٔچُھن) تہٕ غلام نبی گلکر | |
| مُقأمی ناو | 1931 کٔشیٖر ہِنٛز تٔحریٖک |
|---|---|
| تٲریٖخ | 13 جُلَے 1931 |
| پَتا | سیٚنٹرل جیل ، سِریٖنَگَر |
| قٕسٕم | تٔحریٖک |
| وَجہ | ڈوگرہ پولیس اہلکار سٕنٛدِ طرفہٕ قرآنٕچ مُبیعنہٕ بے حرمتی[1] |
| نَتیٖج | ہری سِنگھس مدتھ دِنہٕ تہٕ امن و امان بحال کرنہٕ خٲطرٕ سوزنہٕ آمٕتہِ 500 فوجی |
| ہَلاک | 25 (یَتھ منٛز 22 مُسلمان شٲمِل چھِ یِم پُلیٖس چہِ گولہِ بٔنٛدی منٛز ہلاک تہٕ 3 ہیٚنٛدۍ فسادَن منٛز مارنہٕ آیہِ) |
واقعات
اؠڈِٹ13 جُلَے 1931 دۄہ آیہ ساسہٕ بٔدؠ کٲشِرؠ عبدالقدیر سنٛد مقدمہٕ وٕچھنہٕ خٲطرٕ سریٖنگر کس مرکزی جیلس مَنٛز جمع۔ ییٚلہ زن پیٚشُن نمازک وَقٕت نزدیٖک آو، اَکھ کٲشُر ووت بانٛگ دنہٕ خٲطرٕ۔ ڈوٗگرؠ گورنر، رائزادا تارتیلوک چندن دیت پننؠن سِپاہن تِمن پؠٹھ گولِہ چلاونُک حُکُم، یَتھ مَنٛز 22 کٲشِرؠ مارنہٕ آیہ۔[3] لوٗکھ تُلؠ مۄردٕ مہاراج گنٛج، سریٖنگر چہ سڑکن مَنٛز ڈوٗگرؠ راجِچ ظُلمٕچ مُخالفت کران نعرن ہنٛدٕ ذٔریعہٕ۔ اَمہِ واقعہٕ سٟتؠ گٔیہ رِیاست دۆکھہٕ زد تہٕ ہفتس تام آو ماتم مناونہٕ۔ سریٖنگر، راوَل پِنڈی تہٕ جَمِس درمیان آیہ 13 پیٹھہٕ 26 جُلَے تام ٹرٛیفِک رُکاونہٕ۔[3] کینٛہہ ہیٚنٛدؠ دُکاندارو کٔٔر ماتم مناوَن والؠن ہُینٛد مذاق ییٚمہ سٟتؠ تشدد بڑیو تہٕ موقع پرستو لوٗٹھؠ وان، احتجاج گوٚو تیز۔ ہینٛدوو خٕلاف ہنگامہٕ گٔیہ شروٗع، ییٚمہ کس نٔتیٖجس مَنٛز ترٛے ہیٚنٛدؠ ہلاک، واریاہ زخمی تہٕ ہیٚنٛدؠ ملکیت وٲلؠ وان لوٗٹِک۔[4][5]
ہینٛدو دیُت جواب، ییٚمہ کہ وجہ سٟتؠ دۄشوٕنی جمٲژن درمیان مزیٖد جھڑپہٕ گٔیہ۔[6] تَشَدُد پھلایہ صوبہٕ کشمیرس تہٕ جموںس مَنٛز ترٛیٚن برطانوی کمپنین، یمن ہنٛز تعداد لگ بگ 500 سِپاہ ٲس، آیہ مہاراجہ ہری سنگھ مدد کرنہٕ تہٕ امن و امان بحال کرنہٕ خٲطرٕ سوزنہٕ۔ حوٚکوٗمَتھ اوس نہٕ کُنِہ تہٕ جلوسٕچ یا آخری رسمن ہنٛز اجازت دوان۔ 22 مُسلمان آیہ مزار شہدا، سریٖنگرس مَنٛز دفن کرنہٕ۔ کینٛہہ دۄہن پتہٕ آو اَکھ کٔدٕل یَتھ سنٛگم کٔدٕل ونان چھ زالنہٕ کرنہٕ۔ اَکھ انکوائری کمیٹی آیہ مُقرر کرنہٕ یَتھ مَنٛز چیٖف جسٹس سر برجور دلال بطور چیئرمین، ہاے کورٹک زٕ جج-اَکھ دۄشوٕنی مذہبن مَنٛز-تہٕ 4 کمیٹی ممبر یمن مَنٛز زٕ ہیٚنٛد تہٕ زٕ مُسلمان چھ یمن متعلقہ برادریو طرفہٕ نامزد کرنہٕ آمٕتہ۔ مگر کُنِہ وجہ سۭتؠ گٔیہ کمیٹی کانٛہہ رپورٛٹ پیش کرنس مَنٛز ناکام۔ لہاذا کوٚر حکوٗمتن خللاتن پؠٹھ یک طرفہ خیالات شایع کرنک فٲصلہٕ۔ اَمہِ واقعہٕ کہ وجہ سٟتؠ گوٚو نوجوان شیخ عبداللہ سنٛد عروج، تہٕ مہاراجہ ہس سٟتؠ روٗد أمؠ سٕنٛز دُشمنی 1947 ہس تام جٲری۔[7][8]
مہاراجس سٟتؠ ملاقات
اؠڈِٹمُسلمان نمایندن یمن مَنٛز میٖروایز یوٗسُف شاہ، میٖروایز حمدأنی، سید حسین شاہ جلالی، سعد الدین شال، شیخ عبداللہ غلام احمد اشائی یعقوٗب علی، منشی شہاب الدین، تہٕ چودھری غلام عباس شٲمل چھ، 15 اَگَست دوہ مہراجس نش خطاب کوٚر۔[9] تمو کٔر عام طور ہیٚنٛدؠن تہٕ خاص پٲٹھؠ ریاستی انتظامیہ تہٕ وزیر اعظمس خِلاف واریاہ اِلزام، یہِ اِلزام لگٲوِتھ ز فسادہٕ انکوائری کمیٹی یس دنہٕ آمتؠ ثوٚبوٗت چھ بناوٹ یا دباونہٕ آمٕتؠ۔[9] مہاراجہ ہن کوٚر وزیٖرِ اعظم برطرف کرنہٕ نش انکار، تہٕ مسلم لیڈرن ہنٛد اِلزام "بے بُنیاد" قرار دتھ کوٚرکھ رَد۔[9]
عارضی طور جنٛگ بندی
اؠڈِٹمُسلمان رہنما ٲسؠ ناخۄش، مگر تمو کٔر 26 اَگَست وزیٖرِ اعظمس سٟتؠ مُلاقات تہٕ کٕرٕن احتجاج ختم کرنہٕ خٲطرٕ أکس محادس پؠٹھ دستخط۔[10]
پتہٕ
اؠڈِٹاحتجاج گۆو عارضی طور کم، بُنیٲدی طور پٲٹھؠ اَمہِ وجہ سٔتؠ ز کٲشِرؠ دربار پننؠن رعایاہن سٟتؠ صلحک رویہ (احرار اِسلام، مظہر علی اظہر تہٕ زٕ سٲتھین نجی طور پٲٹھؠ کشمیرک دورٕ کرنُک اِجازت) ۔ کشمیر نؠبر مُسلمان ہمدردی کرن والؠن ہِنٛدؠ دخٕل سٟتؠ آو 13 جُلَے کٔشیٖر تہٕ ہندوستان کؠن واریاہن حصن مَنٛز کشمیرُک دۄہ مناونہٕ۔ کٲشِرؠ مُسلمان سٟتؠ ہمدردی مَنٛز آیہ مظاہرٕ تہٕ جلسہٕ منعقد کرنہٕ۔ اجلاسن مَنٛز آیہ مذہبی آزٲدی، مشیٖدن تہٕ مُسلمانن ہِنٛدؠن زِیارتن ہِنٛز بحالی، ہلاک یا زخمی گژھن والؠن ہنٛدین آلاسن معاوضہٕ، تہٕ احتجاجس دوران سِوَل تہٕ فوجی افسرن ہنٛد طرز عملچ چھان بیٖن کرنُک مطالبہٕ کرن واجنہ قراردادہٕ منظوٗر کرنہٕ۔[11]
حَوالہٕ
اؠڈِٹ- ↑ Christopher Snedden (2015). Understanding Kashmir and Kashmiris. Hurst. ص. 128. ISBN 978-1-84904-622-0. Archived from the original on 15 September 2024. Retrieved 11 August 2020.
- ↑ Beg، Dr Mirza Ashraf (2014-03-14). "Land to the tiller". Greater Kashmir. Archived from the original on 26 January 2022.
- ↑ 3٫0 3٫1 "Kashmir Martyrs Day observed". The Nation. 14 July 2015. Archived from the original on 29 November 2016. https://web.archive.org/web/20161129144531/http://nation.com.pk/national/14-Jul-2015/kashmir-martyrs-day-observed. Retrieved 13 April 2020.
- ↑ Devaraju Nagarjun (2015). Clash of Identities Ethnic Conflict of Kashmir Dispute. University of California. ص. 6.
- ↑ Rekha Chowdhary (2004). Jammu and Kashmir: Politics of Identity and Separatism. Routledge. ص. 30.
- ↑ Kwasi Kwarteng (2011). Ghosts of Empire: Britain's Legacies in the Modern World. Bloomsbury Publishing. ص. 260.
- ↑ Christopher Snedden (2015). Understanding Kashmir and Kashmiris. Oxford University Press. ص. 131.
- ↑ Hussain، Syed Taffazull (23 July 2009). Sheikh Abdullah-A Biography: The Crucial Period 1905-1939 ( اَنگیٖزؠ زَبانہِ مَنٛز). Wordclay. pp. 74–80. ISBN 978-1-6048-1603-7.
- ↑ 9٫0 9٫1 9٫2 Kaur، Ravinderjit (1996). Political Awakening in Kashmir. APH Publishing. ص. 154. ISBN 9788170247098. Archived from the original on 15 September 2024. Retrieved 7 November 2020.
- ↑ Kaur، Ravinderjit (1996). Political Awakening in Kashmir. APH Publishing. ص. 154. ISBN 9788170247098. Archived from the original on 15 September 2024. Retrieved 7 November 2020.
- ↑ Kaur، Ravinderjit (1996). Political Awakening in Kashmir. APH Publishing. ص. 153. ISBN 9788170247098. Archived from the original on 15 September 2024. Retrieved 7 November 2020.