گلیوبلوسٹوما

گلیوبلوسٹوما یَتھ گلیوبلوسٹوما ملٹیفارم تہٕ ونان چھِ، چھُ کینسر سارِوٕے کھوتہٕ خطرناک قسم یُس دؠماغس اندر شۆروٗع چھُ گژھان۔ ابتدٲیی طورس پؠٹھ چھ گلیو بلاسٹوما ہٕک نِشان تہٕ علامتہٕ غٲر مخصوص۔ یمن مَنٛز ہیٚکن کَلہٕ دود، شخصیت مَنٛز تبدیلی، متلی تہٕ فالج ہیوؠ علامتہٕ شٲمل ٲستھ۔ علامتہٕ چھےٚ اکثر تیزی سان خراب گژھان تہٕ یہِ ہیٚکہ بے ہوش گژھنس تام واتتھ۔

گلیوبلاسٹوما کہ زیٛادٕ تر معاملن ہنٛز وجہ چھےٚ نہٕ معلوم کیٚنٛہہ۔ غٲر معمولی خطرٕ کہ عواملن مَنٛز چھ جینیٲتی عوارض شٲمل، یَتھ کٔنؠ نیوروفایبرومیٹوسس تہٕ لی-فرومینی سنڈروم تہٕ پٔتمین تابکاری تھراپی گلیوبلوسٹوما چھُ دؠماغک تمام ٹیومرک 15% حصس پؠٹھ محیط۔ تم ہیٚکن یا عام دؠمٲغی خلیات سٟتؠ شۆروٗع گژھتھ یا موجودٕ کم درجک ایسٹروسیٹوما پؠٹھ بٔنِتھ۔ تشخیص چھُ عام طور سی ٹی سکین ایم آر آیی سکین تہٕ ٹشو بایوپسی ہٕنٛد امتزاج سٟتؠ یوان کرنہٕ۔

کینسر رکاونہٕ خٲطرٕ چھنہٕ کانٛہہ پَتا طٔریقہٕ۔ علاجس مَنٛز چھ عام طور سرجری شٲمل آسان، ییٚمہ پتہٕ کیموتھراپی تہٕ ریڈی ایشن تھراپی چھ اِستِمال گژھان۔ دَوا چھ تیموزولومائڈ اکثر کیموتھراپی ہٕنٛدس حصہٕ کس طورس پیٚٹھ اِستِمال کرنہٕ یوان۔ زیٛادٕ خوراک وٲلؠ سٹیرایڈ۔ ہیٚکو سوجن کم کرنہٕ تہٕ علامتہٕ کم کرنس مَنٛز مَدَتھ کرنہٕ خٲطرٕ اِستِمال کٔرِتھ۔ ٹیومرک بڑس جراحی سٟتؠ ذہٹاونک تعلق چھ زیٹھ زندٕ روزنس سٟتؠ۔

زیٛادٕ تر علاج کرنہٕ باوجوٗد چھُ عام طور واپس یِوان ۔ تشخیص پتہٕ چھ بقایاتن ہند عام 12 پؠٹھ 15 ہن رؠتن تام آسان، یَتھ مَنٛز 3 پؠٹھ 7% لوک چھ پانژ ورین کھوتہٕ زیادٕہ زندٕ روزان۔ علاجہٕ ورٲیہ چھِ زندٕ روزنس عام طور ترٛیٚن رؠتن آسان۔ یہِ چھُ سارِوٕے کھۄتہٕ عام کینسر یس دماغس اندر شروٗع چھُ گژھان تہٕ مینجنیوما پتہٕ چھ دوٚیٛم سارِوٕے کھۄتہٕ عام ٹیومر۔ پرٛتھ ؤریہِ چھِ 100,000 نَفرو مَنٛز تَقریٖبَن 3 بیمار آسان۔ یہِ چھ اکثر 64 ؤریو کھۄتہٕ زیٛادٕ وٲنٛسہ مَنٛز شروٗع گژھان تہٕ زنانن ہنٛدس مقابلس مَنٛز مردن مَنٛز زیٛادٕ عام آسان۔ امیونوتھراپی ہنٛد مطالعہ چھ کینسر کہ علاج کس طورس پیٚٹھ کرنہٕ یوان۔