مَدَتھ:حِکمَتہِ عَملی تہٕ ہؠدایتَن ہُنٛد تَعارُف/تَمام
 | یہِ چھُ اَکھ وِکیٖپیٖڈیا کِتھ-پٲٹھؠ صَفہٕ اَتھ مَنٛز چھِ عَملہٕ تہٕ طٔریٖقہٕ
کیٚنٛہہ وِکیٖپیٖڈیا اۆصوٗل.. یہِ چھَنہٕ وِکیٖپیٖڈیا حِکمَتہِ عَملی یا ہؠدایَتھ. |
وِکیٖپیٖڈیاہَس پؠٹھ چھِ کیٚنٛہہ سخت قٲیِدٕ، یہِ چھُ بُنیٲدی پانژھ ستوٗنَن پؠٹھ مُشتَمِل۔ وِکیٖپیٖڈیاہٕچ حِکمَتہِ عَملی تہٕ ہؠدایَتھ چھِ وِکیٖپیٖڈیا ضٲرِف تَخلیٖق کَران۔ یِم اصوٗل چھِ تَمام صٲرفَن اَملاوٕن پیوان۔ یُہُنٛد مَقصد چھُ وِکیٖپیٖڈیا بَہتَر بَناوُن.
حِکمَتہِ عَملی یا پالسی چھِ بُنیٲدی اصوٗل بٲریکھ سان واضع کَران، تہٕ ہؠدایَت چھِ پالسی اَملاونَس مُتلِق مولوٗماتھ فَراہَم کَران۔ رَسمی حِکمَتہِ عَملی یا ہؠدایَت صَفَن چھُ اَکھ نوٹ آسان یَمہٕ سٟتؠ یہِ واضَہ چھُ گَژھان زِ یہِ چھِ اکھ حِکمَتہِ عَملی یا ہؠدایَت۔ عام پالسی یا حِکمَتہِ عَملی چھِ وِکیٖپیٖڈیا ناو جاے مَنٛز آسان.
وَقتَس سٟتؠ سٟتؠ چھِ حِکمَتہِ عَملی تہٕ ہؠدایَت تَخلیٖق کَرنہٕ یِوان، کیٚنٛہہ اَہَم حِکمَتہِ عَملی تہٕ ہیدایت چھِ برونٛہہ کُن:
مَواد
وِکیٖپیٖڈیا چھُ اَکھ اِنساکلوپیٖڈیا، صٲرِف چھِ یہِ صٔحیٖح تھاونہٕ خٲطرٕ واریاہ کوٗشِش کَران۔ اَمِیک مَضموٗن گَژھَن غٲر جٲنِبدارانہٕ آسٕنؠ تہٕ یِمَن مَنٛز گَژھِ تَصدیٖق کَرن واچٕن مولوٗماتھ آسٕنؠ بیٚیہِ گَژھن یِم کَتھٕ کُنہِ بَروسہٕ مَند ذَرایَس مَنٛز شایع یا کُنہِ تہِ طَرسزَس مَنٛز دٕستِیاب آسُن.
غٲر جٲنِبدارانہٕ مَواد آسُن چھُ اَکھ بُنیٲدی پالسی وِکیٖپیٖڈیا تہٕ باقی مَنصوبَن پؠٹھ۔ اَمیُٛک مَقصد چھُ تَمام وِکیٖپیٖڈیاہُک مَواد گَژھِ غٲر جٲنِبدارانہٕ طور لیکھنہٕ یُن، مَطلب یہِ گژھِ حِساب سان کُنہِ تعصُب وَرٲے آسُن۔ اَمہِ سٟتؠ چھُ وِکیٖپیٖڈیا اِشارُک ذٔرؠ یہِ بَنہٕ نِش بَچَن.
تَصدیٖقُق مَطلب چھُ مَضموٗن مَنٛز گَژھِ سُہ مَواد آسُن یُس کُنہِ بَروسہٕ مَند ذَرایَس مَنٛز شایع کَرنہٕ آمُت آسہِ، مِثال کانٛہہ بَرٛوسہٕ مَند اَخبار یا ویب سایٹ عام طور گَژھِ پرَٛتھ کُنہِ مَضموٗنَس حَوالہٕ آسُن۔ حَوالہٕ وَرٲے مَواد گَژھِ مِٹاونہٕ یُن.
ذٲتی تَحقیٖق نہٕ کیٚنٛہہ اَمیُک مَطلب چھُ زِ وِکیٖپیٖڈیاہَس پؠٹھ گَژھِ نہٕ سُہ مَواد آسُن یُس نہٕ کُنہِ جاے شایع آسہِ، صٲرفَس پَژھ نہٕ پَنٕنی راے پیش کَرٕنؠ۔ کُنہِ عُنٛوانَس مُتلِق گَژھِ نہٕ غَلَط لیٚکھنہٕ یُن.
طٔریٖقہٕ
.svg)
وِکیٖپیٖڈیاہَس پؠٹھ مَضموٗن تَخلیٖق کَرٕنؠ چھِ اَکھ رَلہٕ مِلہٕ کٲم۔ زٕ چیٖز چھِ یِم باقؠن صٲرفَن سٟتؠ کَتھ باتھ کَرنَس مَنٛز واریاہ اَہَم چھِ۔ یِم چھِ جُرَت مَنٛدی تہٕ تَہزیٖب.
اؠڈِٹ کَرنَس دۄران، جُرَت مَنٛدی! زیٛادٕ تَر اؠڈِٹ چھِ وِکیٖپیٖڈیاہَس اَصٕل بَناونَس مَنٛز مَدَتھ کَران، غَلَط اؠڈِٹ ہیٚکَن کُنہِ تہِ ساتہٕ رَد کَرنہٕ یِتھ۔ اَگر تُہؠ وُچھِو کانٛہہ چیٖز مَضموٗن یا فَیِل یۄس اَصٕل بَناونہٕ ییٚہِ، اَتھ پؠٹھ گَژھِ کٲم کَرنہٕ یِنؠ۔ کُنہِ ساتہٕ چھُ حَوالہٕ وَرٲے مَواد ہَٹاوُن تہٕ مَضموٗن اَصٕل بَناوَن۔
وِکیٖپیٖڈیاہَس پؠٹھ تَہزیٖب دار آسُن چھُ مَطلب باقؠن سٟتؠ اَصٕل پٲٹھؠ کَتھ کَرٕنؠ، تہٕ باقؠن ہٕنٛز کامہِ احتِرام کَرُن۔ باقؠن سٟتؠ کَتھ باتھ کَرنَس مَنٛز گَژھِ نہٕ ذٲتی حَملہٕ کَرنہٕ یُن، یِم چیٖز چھِ سَختی سان وُچھنہٕ یِوان۔
صٲرِف چھِ اِتِفاقس پؠٹھ عام طور اؠڈِٹ کَرنہٕ سٟتؠ واتان؛ عام طور چھُ کانٛہہ تَبدیٖلی کَرن، بیٛکھ صٲرِف چھُ وُچھَن اَگر یہِ صٔحیٖح آسہِ تیٚلہِ چھُنہٕ سُہ کانٛہہ تَبدیٖلی اَنان، مَگر اَگر یہِ مَواد کُنہِ طور غَلَط چھُ آسان ییٚلہِ چھُ یہِ مَواد ہَٹاونہٕ یِوان۔ اَگر صٲرف آسَن نہٕ پانہٕ ؤنؠ کُنہِ چیٖزَن مَنٛز اِتِفاق، اَتھ حالَس مَنٛز گَژھِ مَضموٗنُک کَتھ صَفہٕ اِستِمال کَرنہٕ یُن، اِتِفاق پٲدٕ کَرنہٕ خٲطرٕ.
بیٚیہِ وُچھِو
