مَدَتھ:تَعارُف حَوالہٕ/تَصدیٖق

وِکیٖپیٖڈیاہٕچ اَکھ اَہَم پالسی چھے زِ مَضموٗنُک مَواد گَژھہِ تَصدیٖق دار آسُن. اَمیُک مَطلب چھُ زِ وپ: بَروسہٕ مَند ذَرایعہ گَژھَن مَواد سَہارٕ دینؠ. تِمَن جُملَن گَژھہِ حَوالہٕ یِمَن پؠٹھ شَک آسہِ. عام طور گَژھَن زِندہ اِنسانَن مُتلِق مَضموٗنَن مَنٛز واریاہ حَوالہٕ آسٕنؠ. وِکیٖپیٖڈیاہَس پؠٹھ چھُنہٕ ذٲتی تَحقیٖق اِستِمال کَرنہٕ یِوان، پرٛتھ کانٛہہ کَتھ گَژھہِ کُنہِ جار شایع آسٕنؠ.

اَگر تُہؠ چھِو نٔو مَضموٗن، حِصہٕ یا جُملہٕ بَناوَن، یہِ چھِ تُہُنذ زِمہٕ دٲری زِ اَتھ گَژھہِ حَوالہٕ دِینہٕ یُن. حَوالہٕ وَرٲے مَواد چھُ عام طور ہَٹاونہٕ یِوان. کُنہِ ساتہ چھُ گۄڈٕ حَوالہٕ دِیِو فَرما اِستِمال کَرنہٕ یِوان تاکہِ صٲرِفَس میلہٕ وَقٕت.

برٛونٛہہ کُن وُچھِو تُہؠ زِ جُملس کِتھ پٲٹھؠ چھِ حَوالہٕ دِینہٕ یِوان تہٕ وِکیٖپیٖڈیاہَس پؠٹھ کَتھ چھُ بَروسہٕ مَند حَوالہٕ وَنہٕ یِوان.