اِلؠکٹرٛان بیٖم ٹوموٗگرٛافی

اِلؠکٹرٛان بیٖم ٹوموگرافی (اَنٛگریٖزی: Electron Beam Tomography) چھُ سی ٹی سِکینُک اَکھ قسٕم یَتھ مَنٛز اؠکسرے ٹیوب چھُنہٕ اِنسانَن أندؠ أندؠ نَژان۔ یہِ قسٕم آو تیٖز تَصویٖر تُلنہٕ خٲطرٕ بَناونہٕ.

طریٖقہٕ

یَتھ مَنٛز اَکھ بۄڈ اؠکسرے ٹیٖوب اِستِمال چھُ گَژھان، اَتھ مَنٛز چھِ اِلؠکٹرٛان کیٹھوڈ پؠٹھ نیران تہٕ یہنز رَفتار چھِ یِوان بَڈاونہٕ اَمہِ پَتہٕ چھِ یِم موڈنہٕ یِوان 210° ٹَنگسٹن اینوڈَس پؠٹھ. ییتہِ اؠکسرے نیران چھِ تہٕ اِنسان سٔنز اۆنٛدروٗنی تانَن مٔنٛز نییرتھ ڈِٹَکٹرَن مَنٛز مَحفوٗظ چھِ یِوان کَرنہٕ۔ ڈِٹَکٹرَن چھِ پَتہٕ یہِ مَعلوٗمات کَمپیوٗٹَرس مَنٛز سوزان تہٕ تتہِ چھِ اَتھ طِبی تَصویٖر بَناونہٕ یِوان۔ یہِ قسٕم چھُ واریاہ کَم دٕستِیاب تِکیٛازٕ یہِ چھُ واریاہ قٲمتی.