300 ؤری مسجد
300 ؤری مسجد یَتھ الحسین مسجد یا تالو مانو مسجد تہٕ چھُ وننہٕ یوان چھِ تھالینڈچ قدیٖم ترین مسجد مَنٛز اَکھ. تھایی لینڈ کس أکس جۆنوٗبی صوبس ناراتھی واٹس مَنٛز واقع ، یہِ چھِ از اَتھ علاقس مَنٛز مُسلمان برادری اِستِمال کران ۔ یہِ مسجد ٲس 1634 ہَس مَنٛز تمہ وَقتہٕ نٔوؠ آباد مُسلمان برادری ہنٛز خٲطرٕ بناونہٕ آمٕژ ۔ یہِ چھ تھایی لینڈٕچ سارِوٕے کھوتہٕ قدیٖم لکڑیو مسجد ۔[1]
| 300 ؤری مسجد | |
|---|---|
.jpg) | |
| بُنیاد | 1 جَنؤری 1634 |
| مُلُک | تھائی لینڈ |
| اِنتِظٲمی حِصَس مَنٛز | Lubo Sawo |
| جغرٲفی نۄقطہٕ | 6°29′3″N 101°39′22″E |
| ثَقافَتی جاے | registered Thai historic site |
 | |
تَوٲریخ
اؠڈِٹاَمہِ مسجد ہٕنٛز تَوٲریٖخ چھِ پٹانی سلطنتس پیٹھہٕ شۆروٗع گژھان ییٚلہِ اَتھ پؠٹھ سلطان سٕنٛز حکوٗمتھ ٲس ۔ اَمہِ علاقٕک باشندٕ یمن مُسلمان تہٕ بودھ ٲس تمو بنٲو 1634 ہس مَنٛز یہِ مسجد ۔ تمو کوٚر مسجد بناونس مَنٛز تعاون ۔ افسانہٕ چھِ ونان زِ سیامی سلطنت تہٕ پٹانی سلطنتس درمیان جنٛگس دوران ٲس پٹانی سلطنت کہِ اَکہِ گامٕچ اَکھ نوجوان زنان جنٛگہٕ پؠٹھٕ ژلان ۔ سۄ ٲس گامٕکہِ قرآنٕچ رکھہٕ دار تہٕ سۄ ژٕج یہِ ہیتھ۔ ژلنہٕ پتہٕ لوگ تس دب تہٕ سۄ پیے أکہِ لۄکچہِ وٲدی مَنٛز ۔ اَمہِ علاقہٕ کیو گامکیو ہنٛد طَرفہٕ بَچاونہٕ پَتہٕ کٔر أمؠ تیم حیران تِکیٛازِ تَس سٕنٛدِس اَتھس مَنٛز اوس قرآن شٔریٖف ۔ گامکؠو باشندو کوٚر جنٛگ ختم گژھنہٕ پَتہٕ مسجد بناونُک فٲصلہٕ ۔[1] بیٛاکھ اَکھ اَفسانہٕ چھُ ونان زِ مسجد ٲس وان حسین از - سناوی ین تعٲمیر کٔر مٔژ یُس اَکھ وۄستاد اوس تہٕ تیم أس 1624 مَنٛز پٹانی سلطنتس کُن ہجرت کرمٕژ ۔[2] اتھہ سٟتؠ لیکھنہٕ آمُت قرآن تہٕ مسجد ہُنٛد تعٲمیرٲتی مَنصوبہٕ چھُ مسجد مَنٛز تھاونہٕ آمُت۔
حَوالہٕ
اؠڈِٹ- ↑ 1٫0 1٫1 "Cultural Learning Resources Map". Archived from the original on 29 November 2014.
- ↑ "มัสยิด 300 ปี...ที่นี่ยัง 'แข็งแรง' - กรุงเทพธุรกิจ ออนไลน์". www.bangkokbiznews.com. Archived from the original on 2012-05-12.