ہٲنٛز

ہٲنٛز چھِ کٔشیٖرِ ہِنٛدِ ناوِ سوار۔ یِم چھِ وادی کشمیرَس مَنٛز اَکھ اَہَم نسلی جمٲژ، یُس بنیٲدی طور پٲٹھؠ ڈل، وولر، انچار تہٕ مانسبل جھیٖلَن تہٕ دریائے جہلم مَنٛز خانابل ضِلہٕ اننت ناگ تہٕ چٹابل (ضِلہٕ سرینگر) درمیان لبنہٕ چھُ یِوان۔ ہأنٛز چھِ منجھیَن تہٕ ملاہَن ہِوی یِم رٮ۪وٲیتی ناوِ وٲلؠ چھِ۔ ڈُنٛگہٕ تہٕ گَھرٕ ناو ہأنٛز چھےٚ صاف آسنہٕ خٲطرٕ تہٕ انٛگریٖز تہٕ ہِنٛدُستٲنہِ اصل پٲٹھہِ بولنہٕ خٲطرٕ مشہوٗر۔ وننہٕ چھُ یِوان زِ تِم چھِ ذہین تہِ، تہٕ ہٮ۪کَن کم وختَس پؠٹھ بٹلر، وازٕ، شکأرؠ یا گائیڈ ہِش فرائض انجام دِتھ۔

ڈَل ہأنٛز

قسٕم

•ڈَل ہأنٛز : یِمن چھِ فرأنٚگ ہأنٛز تہٕ ونان.یِم چھِ تِم ہأنٛز یم ڈلس مَنٛز چھِ روزان.

•گاڈٕ ہأنٛز : یم ہأنٛز چھِ گاڈٕ رٹنس تہٕ کٕننس سٟتؠ وابستہٕ تھاوان.

•ڈُنٚگہٕ ہأنٛز : یم ہأنٛز چھِ ڈُنٛگن یا ناون مَنٛز روزان.

بییٚہ تہٕ چھِ ہأنٛزن مَنٛز واریاہ قٕسم لبنہٕ یوان مثلً: سیرٕ ہأنٛز ، مؠژٕ ہأنٛز ، مٹہٕ ہأنٛز ، چوٗنہٕ ہأنٛز وغیرہ وغیرہ.