وِکیٖپیٖڈیا:اَہَم صَفہٕ دۄپ
1
اؠڈِٹنہ روزِ وَندٕ تہٕ نَہ رؠتہٕ کولےٕ
نہ بولہِ شرٛاونہٕ پتہٕ کستوٗر
نہ روزِ سوکھ ساۄؠنہِ ہیٚیہِ ہولےٕ
نہ روزِ دوہَے ساز و سَنطوٗر
2
اؠڈِٹأندرِم پرٛگاش نیبرٛ ژھوُٹم ، گَٹہِ روٛٹم تہٕ کٔرمس تھپھ۔
— لَل دؠد
3
اؠڈِٹکٲشرِ سٟتؠن کٲشِرؠ سٲری، نَتہٕ وٲرانٕکؠ حٲران کاو ۔
4
اؠڈِٹژۄٚک تہٕ مۄدُر ٹیوٚٹھ تہٕ زہَر خوٗنہِ جِگر ییٚمؠ اوٚہرٕ کھؠو، ییٚمؠ یژ ہیٚژے ژؠڈ تہٕ قہر سُہ تتھ شہرَس گٕژِھتھ پؠو ۔
5
اؠڈِٹمو کانٛچھ شُرؠ مُرؠ تہٕ گَبَر،
مو بَر گُمانہٕ بہٕ چھُس دُنؠ یاہ دار،
کٲلؠ ہوش تھکی تُرٛپہٕ رَنہٕ یِنَےزٕ بَر،
اَدٕ شُرؠ مُرؠ تہٕ گَبَر گنٛڈنے لار.
6
اؠڈِٹبہٕ کیاہ ونَے تی گوۄ ظہور
أمؠ عٕشقہٕ نارن زٲج میٲنی تَنے
بہٕ کیاہ ونَے تی گوۄ ظہور
— شمس فقیر
7
اؠڈِٹژولہما روشے روشے، ولو میانہِ پوشے مدَنو
ولے وؠسہِ گسووے ببریے
چھۄکہٕ لوی نمو لولہٕ تبریے
زانٛہہ نا آکھ میانہِ خبریے
ولو میانہِ پوشے مدَنو
8
اؠڈِٹمقامِ محمود سپدی ظہور
رفتار گُفتار تتھ جایہِ چُھنَے
بہٕ کیاہ ونَے تی گوۄ ظہور
— شمس فقیر
9
اؠڈِٹصبر یۄٚد کرَکھ سُہ بایہِ چونُے،
یہِ لانہِ آسی تہِ أنِتھ دیے،
یۄٚدوے کرَکھ میوٚن تہٕ میونُے،
یہِ دیٚتمُت ہبَا اَتھ ہیے ۔
10
اؠڈِٹلا اِلٰه اِلا الله صحی کۄٚرُم،
وحی کۄرُم پنٔہ نُوی پان،
وجوٗد ترٲوِتھ موجوٗد سۄٚرُم،
ہر مۄکھہٕ ڈِیوٗنٛٹھم پنہٕ نُوی پان.
12
اؠڈِٹألف گوۄ الله کُنی چُھ تیے
اول پؠٹھ ٲخٕر زوال نہٕ تس
ب گوۄ محمد رسول اللهﷺ تیے
قیامٕژ شفاعت کرِ اُمتس
13
اؠڈِٹاول ریشی احمد ریشی
دۄیِم حضرت اُویس قرنی آو
ترییٚم ریشی زُلکا ریشی ژوٗرِم ریشی پِلاس آو
پوٗنٛزیٚم ریشی رُمہٕ ریشی شییِم ریشی میٖران آو
سٕتمِس کٕرہم دشنا ہشی
بہٕ کُس ریشی تہٕ مےٚ کیا ناو
14
اؠڈِٹپڑھ پڑھ کے گیا پتھر لِکھ لِکھ کے گیا چور
جس پڑھنے سے صاحب ملے وہ پڑھنا ہیں اور
عٕلم گوۄ علمِ لُدَن دے تس آسہِ پیوٛر
نے تتہِ لیٚکھُن نے تتہِ پرُن نے تتہِ کرُن شور
ژودہن عٕلمن تے یۄٚد کرَکھ، توتہِ کوت واتکھ تور
جس پڑھنے سے صاحب ملے وہ پڑھنا ہیں اور
15
اؠڈِٹیِمن کیاہ کرَکھ دیارن
یمہٕ ہو روزنے ییٚتی
نظراہ کرتو اند مزارن
سٲری ز ژمو أتی
16
اؠڈِٹہے وؠسہ میہٚ تس سٕتۍ کونہٕ لاجو تازٕ یارانیے
آلو کریمس شوقہٕ سٲتؠن نیے چھےٚ نالانیے
نفا تہٕ نۄقصان ترٛاو پتھ کُن پرستیے روز
عبد الوہابو کُن فَیَکون زان یکسانیے
ہے وؠسہ میہٚ تس سٕتۍ کونہٕ لاجو تازٕ یارانیے
17
اؠڈِٹکیاہ یَلاج کرِنا نا موتہٕ سٕی
ژٕٹؠ نم شرۄنہِ دار پَنجرو
ہو ہو، بہٕ کریو یوٗری وَولو
مایہِ چانہِ رٲوٕم میہٚ رات دۄہ
ہو ہو، بہٕ کریو یوٗرؠ وَولو
18
اؠڈِٹنفسٕی کۄٚڈٕس أٹی أٹی
نفسٕی کۄٚرُس پشیمان
نفس چُھی مدہوس ہانٛکل ژٹی
نفس ییٚمؠ رۄٚٹ سُوی ووت لامکان
19
اؠڈِٹکران مَہجوٗر چُھ حُسنس گَتھ
ونان یارَس پتو اَکھ کَتھ
یہِ دِل دیوانہٕ گۄو ژیہٚ پَتھ
بیٚیِس سٕتؠ نا رلے بَنٛمبرو
— مَہجوٗر
20
اؠڈِٹبہٕ تہِ نا یہِ دورؠر چونہٕ زرے بال مرے یو
کیاہ کرٕ تھوتھم زرٕ زرے بال مرے یو
اَنہِ گٹہِ وٕنہِ نم نَنہِ کتھیٚے لالہٕ فروشن
کَنہِ مَنٛز نیران جَوہرے بال مرے یو
رسول میٖر ڈولتھن حولٕحیٚسے قول مسَاڈل
بہٕ ہا لولہٕ مَسہٕ کی پیالہٕ برے بال مرے یو
21
اؠڈِٹییٚلہِ جانان رَلیٚم اَدٕ بلیٚم دِلہِ بیمارو
داغ جِگرس ژَلیٚم اَدٕ بلیٚم دِلہِ بیمارو
کٲلؠ ییٚلہِ طوطہٕ کلیٚم زٲلؠ پَنجرس گژھہِ لُرٕ پارو
حیٚس ہوش رَنٛگ میےٚ ڈلیٚم اَدٕ بلیٚم دِلہِ بیمارو
آبِ زَم زَم چھلیٚم اَسد میٖرس دِلہ گُمانو
رحمتٕکؠ جامہٕ ولیٚم اَدٕ بلیٚم دِلہِ بیمارو
— اسد میٖر
22
اؠڈِٹللہٕ وان للہٕ وان زۄلہٕ یٲرؠ پٲونم،
خَبر نو تھٲونم کینٛہہ
پیٖرَن طٲلبس کَتھ ییٚلہِ بٲوٕن، سیٖرَس سٲتھی لۄٚگ ییٖرنیے، پنٕنِس بِنہس پؠٹھ واتنووُن، خَبر نو تھٲونم کینٛہہ
دَم ہیٚتھ دٕریاوٕے شرپراوُن، دٕریافت ییٚمؠ کۄٚر سُی زانیے، زون سۄچھہِ کرالن وَنٛدٕ للناوُن،
خَبر نو تھٲونم کینٛہہ
23
اؠڈِٹخۄشہ یِوُن نُنٛدٕبون ویسیے میون سُہ دِلبر آونیے
تھرٕ تھرٕ چھم مرٕ بہٕ شاید شَر میہ جِگرُک دراونیے
سُی میہٚ روٹُھم آش ییٚمؠ سٕنٛز شب و روز ٲسٕم دِلس
رۄٚسلہِ ونتو کس ژہٕ روٗٹُھک وٕنؠ کمو منہٕ ناوٕ نیے
24
اؠڈِٹتَمَنا چانہِ دیٖدارُک
چُھمو یِنٛمبٕرزلِ بۄنٛمبُرو
فٕجس یامَت لٕجِس وُچھنیے
گٕجِس چانیے کلے بۄنٛمبُرو
— مَہجوٗر
25
اؠڈِٹشِیو چُھے تھلہِ تھلہِ روزان
مو زان ہیوٛند تہٕ مُسلمان
تُرٛک ہیے چھکھ پان پرزان
سۄے چھے صاحبس سٕتؠ زٲنؠ زان
— لَل دؠد
26
اؠڈِٹسیّد کوٗر چھس پُر کمالو
وۄتھو لالو نِؠندرے
مٲلس ناو چُھم سید البہار
ماجہِ ناو چُھم بدر الجمال
27
اؠڈِٹیار میوٚن چُھ جمالٹہِ
کمال تس ہا چُھم ناو
سُہ چُھم تتہِ بہٕ کَس مَٹہِ
اکہِ لَٹہِ ییِ ہم نا
28
اؠڈِٹآیَس سیۄٚدُے تہٕ گَسہٕ تہِ سیۄٚدُے
سیٚدِس ہوٚل میہٚ کرؠم کیاہ
بہٕ تَس ٲسٕس آگرے یۄدُیے
ویٚدِس تہٕ ویٚنٛدس کرؠم کیاہ
— لَل دؠد
29
اؠڈِٹمُڈس گیانٕچ کَتھ نو وٕنۍ زیے
خرس گور دِنہٕ رٲوی دۄہ
سیٚکہِ شاٹھس بیۄٚل نو وٕۄۍ زیے
کوٚم یا جن رٲوی تیٖل
— لَل دؠد
30
اؠڈِٹچِھیا بٕری بٕری مس پیالو
وَتھہٕ لالو نِنٛدرے
اَچِھہ پوشن کرے بٕہ مالو
وَتھہٕ لالو نِنٛدرے
کوٗر زؠنٕہ یِکھٛ ہیٚنٕہ زالو
کوٗر زیٚنٕہ روٗزی پہ
سٕہ ٲسِتھ گژھِہ شالو
وَتھہٕ لالو نِنٛدرے
ہی پانس پُھلے لٕجمو
تاب عٕشقُن کِریٖوٗٹھ پیوم
حَبٕہ خوتوٗنِہ وٕنی مِثالو
وَتھہٕ لالو نِنٛدرے
31
اؠڈِٹکۄٚتو گژھکھٛ کۄٚکرو
بیرِ بیرِ کھاہ
کؠہو کرنہِ کۄٚکرو
زنان ژلان چھم
بلاے ژِھنسُوٗ کۄٚکرو
شُرۍ ودان چِھم
بتہٕ دِکھوٗ کۄٚکرو
اَنہِ گٹہٕ چَھم
دٲر مُژرُو کۄٚکرو
برٲر یِوان چَھم
بِشتہٕ کر سُو کۄٚکرو
مُشتہٕ لایان چَھم