مرٛۆن
یَتھ مَضموٗنَس چُھ نَہ کانٛہہ حَوالہٕ دِینہٕ آمُت۔ |
مرٛۆن یا نیوٹران چھُ اَکھ ذیلی اؠٹمی شے یا n0 یَتھ مَنٛز اَکھ برۆن(مثبت یا منفی نہٕ کیٚنٛہہ) چارج چھُ آسان تہٕ ماس چھ برٛۆنہِ کھوتہٕ تھوڑا زیٛادٕ آسان ۔ پروٹان تہٕ نیوٹران چھ اؠٹمُک نیوکلیس بَناوَن۔ چونکہ پروٹان تہٕ نیوٹران چھ نیوکلیس اندر ہیو برتاو کران تہٕ پرَٛتھ أکِس مَنٛز چھُ تَقریٖبن اَکھ ایٹم ماس یونٹ آسان ، توٲے چھ یمن دۄشوٕنی نیوکلین وننہٕ یوان ۔ یمن ہٕنٛز خصوصیتھ تہٕ تعامُل چھُ نیوکلیر فزکٕس کہِ ذٔریعہٕ بیان کرنہٕ یوان ۔ پروٹان تہٕ نیوٹران چھِ نہٕ بنیادی ذرات کیٚنٛہہ ۔ پرتھ اَکھ چھُ ترٛیٚن کوارک پؠٹھ مُشتَمِل ۔
اؠٹمٕچ کیمیائی خصوصیات چھِ زیٛادٕ تَر گرَٛنؠن ہٕنٛدِ ترتیٖب سٟتؠ طے گژھان یم اؠٹم کِس نیوکلیسس أندؠ أندؠ چکر چھِ کران ۔ اِلؠکٹرٛانٕچ تَرتیٖب چھِ نیوکلیس کہِ چارجہِ سٟتؠ طے گژھان یُس پانہٕ پروٹان یا ایٹم نمبر کہ تعداد سٟتؠ چھُ طے گژھان ۔ نیوٹرانَن ہٕنٛدِس تعداد چھِ نیوٹران نمبر ونان ۔
نیوٹران چھنہٕ اِلؠکٹرٛان کِس ترتیٖبس متٲثِر کران مگر اؠٹم تہٕ نیوٹران نمبرن ہُنٛد مجموعہ چھُ نیوکلیسُک ماس یا وزن آسان ۔
صرف نیوٹران تعدادس مَنٛز الگ آسن والؠن کیٖمیٲیی عُنصَر چھِ ایسوٹوپس ونان ۔