مَدَتھ:کٲشِرؠ پٲٹھؠ لیٚکھُن

یہِ چھُ کٲشُر وِکیٖپیٖڈیا تہِ یَتھ پؠٹھ چھُ کٲشرِ زَبانہٕ مَنٛز لیٚکھنہٕ یِوان۔ عام طور چھِنہٕ یہِ زَبان ڈیسکٹاپَن یا لؠپٹپَن مَنٛز گۄڈٕ آسَن۔ اَمہِ زَبانہٕ ہُنٛد کی بوڈ چھُنہٕ دٕستِیاب۔ اَمہِ کِن چھُ واریاہ ضۆروٗری اَتھ خٲطرٕ مُتبٲدِل تَلاش کَرُن. وِکیٖپیٖڈیاہَس پؠٹھ چھُ اَکھ آلہٕ

ڈیسکٹاپ یا لیپٹاپ

ڈیسکٹاپ پؠٹھ کِتھ پٲٹھؠ چھُ کٲشرِس مَنٛز لیٚکھنہٕ یِوان

ڈیسکٹاپ پؠٹھ کٲشُر لیٚکھنہٕ خٲطرٕ چھُ اَکھ اَوزار اِستِمال گَژھان یَتھ عالمی کی بوڈ وَنان چھِ۔ یہِ چھُ واریاہ زَبانَن مَنٛز دٕستِیاب تہٕ اَمہِ سٟتؠ چھِ واریاہ زَبانہٕ لیٚکھنہٕ یِوان۔ اَمہِ پؠٹھ کٲشُر لیٚکھنہٕ خٲطرٕ گَژھہِ یہِ گۄڈٕ ییٚلہِ ترٛاونہٕ یُن۔ بۄنہٕ کَنہِ چھِ یہِ ییٚلہِ ترٛاونُک طٔریٖقہٕ، یا ہیٚکِو تُہؠ پؠٹہِم ویڈیو وُچھِتھ؛

1. کُنہِ تہِ صَفَس پؠٹھ گٔژھِو.
2. دۄچھنہٕ طَرفہٕ چھُ اَکھ چٲبؠ ہیٚو یَختِیار، اَتھ پؠٹھ کٔرِو کِلِک۔ اَتھ پؠٹھ کِلِک کٔرِتھ گَژھِ اَکھ دَرٕج ڈَبہٕ اِظہار.
3. ڈَبَس مَنٛز دَبٲوِو اِنپُٹ یَختِیار تہٕ اَتہِ ترٛٲوِو یہِ یَلہٕ۔ اَمہِ پَتہٕ کٔرِو طَرٕز مَحفوٗظ.
4. اَمہِ پَتہٕ گٔژھِو تَلاش ڈَبَس پؠٹھ تہٕ کٔرِو کیٚنٛہہ دَرٕج، تُہؠ وُچھِو اَکھ کی بوڈ ہیٚکِو نِشان.
5. اَتھ کی بوڈَس پؠٹھ کٔرِو کِلِک، اَتہِ گَژھہِ اَکھ دَرٕج ڈَبہٕ اِظہار.
6. اَتھ ڈَبَس مَنٛز آسَن کیٚنٛہہ زَبان یِم تُہؠ اِستِمال کٔرِتھ ہیٚکِو۔ اَگر کانٛہہ زَبان آسہِ نہٕ دٕستِیاب، تَتھ خٲطرٕ ڈَبإوِو بۄنِم بَٹُن۔ یہِ بَٹُن دَبٲوِتھ گَژھہِ اَکھ تَلاش ڈَبہٕ اِظہار.
7. اَتھ مَنٛز کٔرِو زَبان ناو تَلاش تہٕ کٔرِو اَتھ پؠٹھ کِلِک.

یہِ مُنتَخٕب کٔرِتھ ہیٚکِو تُہؠ اَتھ زَبانہِ مَنٛز لیٚکھِتھ.