مامل مَندَر

مامل مَندَر یا ممالشور مَندَر چھ اَکھ ہیٚنٛد مندر، یس وادی کشمیر کس پہلگام قصبس مَنٛز واقع چھ۔ یہِ چھ لِدَر دریاو کس بٔٹھس 2,200 میٖٹَر (7,200 فٹ) بلندی پؠٹھ واقعہٕ۔ افسانہٕ مطٲبق چھ یہِ سہ مندر ییٚتہ گنیش اوس پاراوتی سٕنٛد طرفہٕ دروازٕ رٹن وول بناونہٕ آمت، تہٕ أمس اجازت دنہٕ بغٲر اوس نہٕ کٲنٛسہ تہٕ احاطس مَنٛز دٲخل گژھنٗک اِجازت۔ یہِ چھ سۄ جاے ییٚتہ شِووَن گنیش سنٛد کلہٕ ژٹتھ أمس ۂسؠ سنٛد کلہٕ لوگُن۔

مامل مَندَر
مُلُک	ہِندوستان
جغرٲفی نۄقطہٕ	34°0′35″N 75°18′43″E
وِکی ڈیٹا پؠٹھ کٔرِو اؠڈِٹ

مندرس اندر چھ زٕ موٗرتی۔ اَکھ چھ مندر کس مرکزس مَنٛز شِو لِنٛگ تہٕ دٔچھنہ کوٗنس مَنٛز نندی سنٛد اَکھ لۄکٹ زٕ بۆتھؠ وول موٗرتی۔ مامل مطلب گۆۆ ما گژھ، تہٕ اتھے پٲٹھؠ چھ اَتھ مامل مَندَر تہٕ نان۔

تٲریٖخ

یہٕ مَندَر اوس تَقریٖبَن 400 عیسوی (1,600 وٕریو برونٛہہ) تعٲمیٖر کرنہٕ آمُت تہٕ قرون وسطی کس دورس مَنٛز آو یہٕ دوبارٕ تعٲمیٖر کرنہٕ تہٕ عبادت خأطرٕ کھولنہٕ۔ راجترنگنی چھِ ممیشور ناوٕ کِس منٛدرُک حوالہٕ دِوان تہٕ أمؠ کٔر بادشاہ جے سِمہا سٕنٛدِ طرفہٕ پننِس پٮ۪ٹھمِس حصس مَنٛز سۄنہٕ کلسا سٟتؠ پنٕنؠ سجاوٹ درٕج۔

لیجنٛڈ

افسانہٕ مطٲبق چھ یہِ سہ مندر ییٚتہ گنیش اوس پاراوتی سٕنٛد طرفہٕ دروازٕ رٹن وول بناونہٕ آمت، تہٕ أمس اِجازت دنہٕ بغٲر اوس نہٕ کٲنٛسہٕ تہٕ احاطس مَنٛز دٲخل گژھنٗک اِجازت۔ یہِ چھ سۄ جاے ییٚتہ شوون گنیش سنٛد کلہٕ ژٹتھ أمس ۂسؠ سنٛد کلہٕ دیت۔ مامل مطلب گۆو ما گژھ، تہٕ اتھے پٲٹھؠ چھ اَتھ مامل مَندَر تہٕ ونان۔