عبد اللہ خان (مُصنِف)
عبداللہ خان چھُ اَکھ ہندوستٲنؠ مصنف تہٕ سکرپٹ لِکھٲرؠ۔ سُہ چھ پنٛنہ ناول پٹنہ بلیوز باپتھ مشہوٗر۔[1]
| عبد اللہ خان | |
|---|---|
.jpg) | |
| پٲدٲیِش | جَنؤری 1, 1971 Motihari، ہِندوستان |
| پیٚشہِ | ناوَل نِگار |
ابتدٲیی زندگی اور ابتدٲیی تٲلیٖم
اؠڈِٹعبداللہ خان اوس [2] [3] موتیہری، بہارس نزدیٖک پنڈاری ناوٕ کِس أکس گامس مَنٛز زامُت۔ انوگرہ نارائن کالج، پٹنہ، بِہار پٮ۪ٹھٕ کیمسٹری مَنٛز ایم ایس سی کرنہٕ پتہٕ کوٚر عبداللہ خانَن پننہِ پیشورانہٕ زِندگی ہُنٛد آغاز 1998 تھس مَنٛز بینک آف بڑوداہَس مَنٛز بطورِ پروبیشنری اَفسر ۔ سُہ چھُ وُنکیٚنَس 2007 پؠٹھٕ ایٚکسِس بیٚنٛکَس مَنٛز کٲم کران تہٕ چھُ اَمہِ کِس کارپوریٹ آفسس، ممبیی مَنٛز تعینات ۔
لِکھٲرؠ کٲم
اؠڈِٹتٔمِس لٔج پتہ زِ سُہ اوس 21 وُہُر وٲنٛسہِ مَنٛز لِکھٲرؠ بنُن یژھان۔ یہِ گوٚو تَمہِ وِزِ ییٚلہِ سُہ پننِس بٲیِس انگریزی تفویض کرنس مَنٛز مدد کران اوس تہٕ اوس جارج اورویل سُنٛد اینیمل فارم پران۔[4] بطورِ فری لانس لِکھٲرؠ سُنٛد سفر گوٚو 1993 تھس مَنٛز بی ایس سی ہٕچ تٔعلیٖم حٲصِل کرنہٕ وِزِ دی ہندوستان ٹائمز کِس مقٲمی ایڈیشن سٟتؠ شۆروٗع تہٕ 1997 تھس مَنٛز لیٚکھِن پننہِ ناولہِ پٹنہ بلیوزٕکؠ گۄڈٕنِکؠ پانٛژھ باب مگر بینکر سٕنٛدِ حیثیتہٕ پیشورانہٕ زِندگی شۆروٗع کرنہٕ پتہٕ ترٲو لیکھُن۔[5][6] أکِس انٹرویوَس مُطٲبِق کوٚر تٔمؠ انکشاف زِ کِتھ کٔنؠ کوٚر أمؠ سٕنٛزِ خانٛدارِنہِ أمِس بلیک میٖل تہٕ کِتھ کٔنؠ کوٚر أمؠ سُنٛد شوق بیٚیہِ تٔمؠ ووٚن دی ہندوَس اَکہِ انٹرویوَس مَنٛز، "بہٕ اوس قلم تہٕ کاغذ سٟتؠ لیکھان تہٕ سۄ ٲس یہِ ٹائپ کران"۔ [7]
ناول
اؠڈِٹ200 کھۄتہٕ زِیٛادٕ لَٹہِ پنٕنؠ ناول لیکھنہٕ تہٕ دُبارٕ لیکھنہٕ پتہٕ کوٚر أمؠ ٲخٕر کار 2009 مَنٛز امیُک گۄڈنیُک مسودٕ مُکمل مگر پٹنہ بلیوز شایع کرنس لوٚگ تٔمِس بیٚیہِ 9 ؤری۔[8][9]
ٲخٕر کار کوٚر تٔمؠ 2016 ہَس مَنٛز جگرناٹ بُکسَس سٟتؠ أکِس معاہدس پؠٹھ دستخط تہٕ پٹنہ بلیوز آو سَتَمبَر 2018 ہَس مَنٛز شایع کرنہٕ۔[10][11][12] أکِس نوجوان بہاری مُسلمان لڑکہٕ عارف خان سٕنٛزِ دٔلیٖلہِ یُس أکِس ہیٚنٛدؠ زنانہِ ہِنٛز خٲہِش کرنٕچ ہمت چھُ کران، مِلیوٚو واریاہ مثبت جٲیزٕ تہٕ أکِس ؤرؠ یَس انٛدر انٛدر آو پنجابی، عربی، مراٹھی، ملیالم، تٲمل، کنڑ، بنگلٲلؠ، تیلگوٗ، اوڈیا دَہن زبانن مَنٛز تَرجَمہٕ کرنہٕ۔ [13][14][15][16] [17] ناولُک عربی ترجمہٕ آو مصرس مَنٛز جٲری کرنہٕ۔ فارسی، ازبک تہٕ سندھی ترجمہٕ ین بالترتیب ایران، ازبکستان تہٕ پاکستانس مَنٛز جٲری کرنہٕ۔ [18]
باقٕے کٲم
اؠڈِٹعبداللہ خان چھُ باقٲعِدگی سان ہندوستٲنؠ تہٕ بین الاقوٲمی رِسالن تہٕ اخبارن خٲطرٕ مضمون، جٲیزٕ تہٕ افسانہٕ لیکھان۔ تٔمؠ سٕنٛدؠ کینٛہہ تحریر چھِ دی ہندو، فرائیڈے ٹائمز، سُکرال داٹ اِن، ہندوستان ٹائمز، فرنٹ لائن (میگزین)، آؤٹ لک انڈیا، منٹ (اخبار) بروکلین ریل تہٕ وسافری مَنٛز شایَع گٔمٕتؠ۔[19]
حَوالہٕ
اؠڈِٹ- ↑ "Review on Patna Blues".
- ↑ "Abdullah Khan bio". Archived from the original on 2021-02-08. Retrieved 2024-02-06.
- ↑ "Abdullah Khan in an interview on his life". Archived from the original on 2024-02-06. Retrieved 2024-02-06.
- ↑ "Abdullah Khan George Orwell".
- ↑ "Abdullah Khan interview".
- ↑ "Review on Patna Blues".
- ↑ "An interview on The Hindu". The Hindu.
- ↑ "Abdullah Khan on Patna Blues".
- ↑ "Holding on Hope- Patna Blues".
- ↑ "Article on Patna Blues".
- ↑ "Review on Patna Blues". Archived from the original on 2021-12-01. Retrieved 2024-02-06.
- ↑ "Juggernaut Books review". Archived from the original on 2020-01-11. Retrieved 2024-02-06.
- ↑ "Release of Telugu version". YouTube.
- ↑ Patna Blue in Bangla. فرما:ASIN.
- ↑ "Review on Patna Blues".
- ↑ "Article on Patna Blues".
- ↑ "Article on Patna Blues".
- ↑ "Aslam, Orwell and a Porn Star". The Hindu.
- ↑ "Abdullah Khan bio". Archived from the original on 2021-02-08. Retrieved 2024-02-06.