رُکُن:Ratekreel/Sandbox

وِکیٖپیٖڈیا مِٹاوُن حِکمَتہِ عَملی چھےٚ بیان کران زِ مَضموٗن، مِیڈیا تہٕ باقی صَفہٕ یِم نہٕ وِکیٖپیٖڈیاہَس پؠٹھ روزنُک مَعیار پوٗرٕ آسَن کَران، کِتھ پأٹھؠ ہیٚکو مِٹاوتھ۔ خٲلی اِنتِظٲمؠ، اِسٹیواڑ تہٕ عألمی اِنتِظٲمؠ ہیٚکَن یتھ وِکی پؠٹھ صَفہٕ مِٹاوُتھ۔

اَگر کانٛہہ صَفہٕ مِٹاوُنہٕ چھُ یِوان، تمہِ سٕتی چھُ سُہ صَفہٕ لُکن ہنٛدِ نَظرِ مَنٛز غٲب گَژھان۔ اِنتِظٲمؠ ہیٚکَن کانٛہہ تہِ مِٹاوُنہٕ آمُت صَفہٕ وُچھتھ تہِ تہٕ بَحال تہِ کٔرتھ۔ مِٹاوُن تہٕ صَفہٕ خٲلی کَرُن چھِ زٕ مُختٔلِف چیٖز۔ صَفہٕ ہیٚکہِ کانٛہہ تہِ رُکُن خألی کٔرتھ مَگَر مِٹاوِتھ ہیٚکہِ خألی اَکھ اِنتِظٲمی۔

وِکیٖپیٖڈیا مِٹاوُن حِکمَتہِ عَملی چھےٚ زٕ طٔریقہٕ دِوان مِٹاونہٕ خٲطرٕ – بَحَث کٔرِتھ مِٹاوُن تہٕ جَلدی مِٹاوُن۔ دۄنوَنے ہنٛدؠ تَفصیٖل تہٕ طٔریقہٕ چھِ بوٚنہٕ کَنہِ دِیتھ۔

بَحَث کٔرِتھ مِٹاوُن

تُہی ہیٚکو مَضموٗن، زأز، فرما، تہٕ باقی کانٛہہ تہِ صَفہٕ مِٹاوُنہٕ خٲطرٕ نامزَد کٔرتھ (دَرخاست دیتھ)۔ دَرخاستہٕ چھےٚ وپ:مِٹاونہٕ خٲطرٕ عَرٕض صَفَس پؠٹھ دِنہٕ یِوان۔ کانٛہہ تہِ رُکُن ہیٚکہِ اتھ صَفَس پؠٹھ کُنہِ تہِ مِٹاوُنہ دَرخاستہِ پؠٹھ پَنٕنؠ راے جَمَع کٔرتھ۔

طٔریقہٕ

1. یۄس صَفہٕ مِٹاوُنہٕ خٲطرٕ نامزَد آسہ کَرُن تتھ پؠٹھہٕ کَنہِ تھأیو {{مِٹاونہٕ خٲطرٕ عَرٕض}} تہٕ وِکیٖپیٖڈیا:مِٹاونہٕ خٲطرٕ عَرٕض صَفَس پؠٹھ کٔریو اَکھ نٔو حِصہٕ جَمَع۔ حِصَس تھأیو نامزَد صَفُک پوٗرٕ ناو۔
2. کانٛہہ تہِ رُکُن ہیٚکہِ اتھ دَرخاستہٕ پؠٹھ پَنٕنؠ راے دیتھ۔
3. کَم کھۄتہٕ کَم اَکھ ہَفتہٕ پَتہٕ کَرِ یہٕ بَحَث اَکھ اِنتِظأمی بنٛد تہٕ بَرادری کہِ ووٗٹہٕ حِسابہٕ کَرِ دَرخاست رد یا مِٹایہٕ صَفہٕ۔

جَلدی مِٹاوُن

صَفہٕ ہیٚکو بَرادری کہِ بَحَث وَرائے تہِ مِٹاوِتھ۔ صَفَہٕ چھِ تیٚلہِ جَلدی مِٹاونہٕ یِوان ییٚلہِ تِم بوٚنہٕ کَنہِ دِنہٕ آمٕتؠ معیارَس سٕتؠ مِلان آسَن۔ کانٛہہ تہِ رُکُن ہیٚکہِ کانٛہہ تہِ صَفہٕ جَلدی مِٹاونہٕ خٲطرٕ نامزَد کٔرتھ۔ نامزَد کَرنہٕ خٲطرٕ چھِ {{جَلدی مِٹاونہٕ خٲطرٕ عَرٕض}} صَفہٕ پؠٹھ تھاونہٕ یِوان یمہ سٕتؠ سُہ زأژ:جَلدی مِٹاونہٕ خٲطرٕ عَرٕض زٲژِ مَنٛز شأمِل چھُ گَژھان۔

عام

عام وَجہٕ چھِ پرٛتھ کُنہِ ناوجاے والین صَفَن پؠٹھ لاگوٗو گژھان۔ یِم چھِ کُل 8 مَعیار/وَجہٕ صَفہٕ مِٹاوُنٕک۔

فضوٗل مَواد

یہٕ چھُ تِمَن صَفَن پؠٹھ لاگوٗو گژھان یُہنٛد مَواد نہٕ سَمجھی آسہ تَران۔ کَمزور لیٚکھت چھُ نہٕ یمہِ مَعیارُک حِصہٕ نہٕ پزِ یہٕ مَعیار تِم صَفہٕ مِٹاوُنہٕ خٲطرٕ اِستِمال کَرُن۔

ٹٮ۪سٹہٕ صَفہٕ

یہ چھُ ٹٮ۪سٹہٕ صَفَن پؠٹھ لاگوٗو گَژھن۔ یہٕ چھُ نہٕ تَختہٕ مَشِقَن تہٕ رُکُن ناوجاے لاگوٗو گَژھن۔

غَلَط مَعلوٗمات

یہٕ چھُ تِمَن صَفَن پؠٹھ لاگوٗو گژھان یِمَن مَنٛز صرِف غَلَط مَعلوٗمات آسہ۔

مِٹٲومُت صَفہٕ بییہ تَخلیٖق کَرنہٕ آمُت

یہٕ چھُ مُمکِن زِ اَکھ مِٹاومُت صَفہٕ یٚیہٕ بیٚیہٕ بناونہٕ (بَحال کرنہٕ نہٕ کینٛہہ)۔ یہٕ چھُ تِمَن صَفَن پؠٹھ لاگوٗو گژھان یِمَن بَرابَر ہِوی مَواد آسہ، چاہے ناو کینٛہہ تہِ آسہ، أکِس مِٹاومٕتِس صَفَس سٕتؠ۔

بُلاک یا پابَندی وألی رُکُنن تَخلیٖق کُورمُت صَفہٕ

یہٕ مَعیار چھُ تِمَن صَفَن پؠٹھ لاگوٗو گژھان یِم بُلاک یا پابَندی والو رُکُنو تَخلیٖق کٔرمِت آسن بُلاک یا پابَندی کہِ خِلافورزی مَنٛز۔

مُصَنِف سٕنٛز دَرخاست

اَکھ صَفہٕ ہیٚکو مِٹاوتھ اَگر تمہِ صَفُک مُصَنِف جَلدی مِٹاوُنہٕ خٲطرٕ عَرٕض کَرِ۔

ذٲتی حَملہٕ، زِنٛدٕ اِنسانَس مُتعلِق غَلط مَواد

تِم صَفہٕ یِمَن مَنٛز کانٛسہ زِنٛدٕ اِنسانَس مُتعلِق غَلط مَواد آسہ یا یِم کُنہِ بَرادری یا اِنسانَن مُتعلِق ذأتی حَلہِ آسَن۔

زٲژ

بوٚنہٕ کَنہِ دِیتھ وَجہٕ چھِ خألی زٲژ ناوجاے والین صَفَن پؠٹھ لاگوٗو گژھان۔

خألی زأژ

زأژٕ یِم کَم کھۄتہٕ کَم أکِس ہَفتَس خألی آسَن۔