داتھ (کٲشُر‎‎ وۄشژار: [daːth]) چھُ اَکھ قٕسمُک کیٖمیٲیی عُنصُر یُس ژَٹنہٕ یا پھُٹراونہٕ پؠٹھ چَمَکدار آسہِ، تہٕ بِجلی تہٕ تَژَر چَلاوِ، دۄکُر مٲرِتھ پَتلہٕ پٔٹؠ بَنہِ تہٕ یَتھ پؠٹھٕ آسٲنی سان تار کٔڑنہٕ یِن؛ مِثالَن: ترٛام، سۄن، رۄپھ بیترِ۔[1][2] عٔلمہِ کیٖمِیاہَس مَنٛز، داتھ چھِ تِم عُنصُر یِم چھِ آسٲنی سان اِلؠکٹرٛان ترٛٲوِتھ پازِٹِو چارٕج ہؠوان۔

داتھ
حِصہٕمَواد، malleable material، alloy، Non organic
ہیش ٹیگmetal
ایم سی این کوڈ7109.00.00
Stack Exchange taghttps://chemistry.stackexchange.com/tags/metal، https://physics.stackexchange.com/tags/metals، https://engineering.stackexchange.com/tags/metals، https://mechanics.stackexchange.com/tags/metal
ترٛام، اَکھ داتھ

اِنسان چھِ یِمَن وارِیاہَن چیٖزَن مَنٛز وَرتاوان: عَمارٔژ بَناوٕنؠ، زیوَر، گَرٕکؠ اَوزار، ۂتھؠ یارکِس روٗپَس مَنٛز، پٲنٛسہٕ ہٕنٛدِس روٗپَس مَنٛز بیترِ۔ اَلہٕ پَلہٕ کاہ ساس ؤری برٛۆنٛہہ آو ترٛام گۄڈنٕچہِ لَٹہٕ مٔنٛزِم مَشرِقَس مَنٛز وَرتاونہٕ۔[3][4] سۄن، رۄپھ بیترِ چھِ زیٛاداتَر زیوَر تہٕ پٲنٛسہٕ روٗپَس مَنٛز اِستِمال کَرنہٕ یِوان؛ سِٹیٖل، شیٛشتٕر، زَسُد، سَرتَل، لۄے بیترِ مِشیٖنَن مَنٛز۔[5]

حَوالہٕ اؠڈِٹ

  1. "metal | Definition, Characteristics, Types, & Facts | Britannica". www.britannica.com ( اَنگیٖزۍ زَبانہِ مَنٛز). Retrieved 2021-12-20.
  2. "7.6: Metals, Nonmetals, and Metalloids". Chemistry LibreTexts ( اَنگیٖزۍ زَبانہِ مَنٛز). 2017-08-29. Retrieved 2021-12-20.
  3. "Discover the Ancient History of Copper and Its Early Uses". ThoughtCo ( اَنگیٖزۍ زَبانہِ مَنٛز). Retrieved 2021-12-20.
  4. "History of Metals Timeline Infographic". www.makin-metals.com. Archived from the original on 2021-12-20. Retrieved 2021-12-20.
  5. "The History of Steel". ThoughtCo ( اَنگیٖزۍ زَبانہِ مَنٛز). Retrieved 2021-12-20.


https://ks.wikipedia.org/w/index.php?title=داتھ&oldid=80929 پؠٹھٕ اِستِمال کۄٚرمُت