انَنت ناگ

انَنت ناگ بوٗزِو  یعنی ناگَن ہُنٛد گَرٕ (اننت: ختم نہ گَسن وۄل) یا اِسلام آباد چھُ رِیاسَتھ جۆم تہٕ کٔشیٖر کِہ انَنت ناگ ضِلُک اَکھ شَہَر۔ یہٕ چھُہ ریاستُک تجارتی تہٕ مٲلی دارالحکومت یوان مانٕنہٕ۔

اننتناگ
اَصٕل ناو اُردوٗ زَبانہِ مَنٛز: اننت ناگ
بُنیاد	5. millennium BCE
مُلُک	ہِندوستان
رازدٲنؠ یَمہ جاے ہٕنٛز	اَنَنت ناگ ضِلہٕ
اِنتِظٲمی حِصَس مَنٛز	اَنَنت ناگ ضِلہٕ
وَقٕت زوٗن	عالمی وَقٕت +05:30
جغرٲفی نۄقطہٕ	33°43′48″N 75°9′0″E
آبٲدی	108٬505
سَطَح سَمَندر پؠٹھ بُلَندی	1٬601±1 میٖٹَر
رۄقبہٕ	2٬917±1 چَکور کِلومیٖٹَر
ڈاک کوڈ	192101
وؠب سایِٹ	http://anantnag.nic.in
مُقٲمی ڈایِل کوڈ	1932
وِکی ڈیٹا پؠٹھ کٔرِو اؠڈِٹ

تَوٲریٖخ

اننتناگ چھُہ اَکھ قدیم شَہَر یُس ۵٠٠٠ قبل مسیح دوران وجودَس مَنٛز آو۔ شہرَن چھہ وادی ہِنٛزؠن باقیَن حصَن پٲٹؠ واریا تبدیلی وُچھ مٕژ۔ اَز چھہ نہٕ شہرَس مَنٛز مارتند مندِر علاوٕ کہنؠ تہِ اہم قدیم عمارت موجود۔ چارلز ون ہوگلَس ۱۸۳۵ مَنٛز جمو و کشمیر کِس دورَس دوران مغل زمانکؠبرباد گَمتؠ کینژھَن سمارکَن ہُنٛد پتہ لۄگمُت۔ مارتند مندِر چھُ آثار قدیمہ کؠن اہم ترین عمارتَن مَنٛز شٲمل گسان۔

جغرافیہ

اننتناگ چھُ 33.73 N 75.15 E پؠٹھ واقع۔ سطح سَمندَر پؠٹھ چھُ اَمٮُ۪ک تھَزر ۵۲۵۴ فٕٹہٕ یا ۱۶۰۱ میٖٹر۔ یہٕ چھُ دارالحکوٗمَتھ سرینگر پؠٹھ ۳۳ میٖل دور۔ یہٕ شَہَر چھُ ناگبل، ملٗکناگ، کاڈیپطرہ، چینی چوک، دونی پاوا، سرنا بالا، جنگلات منٛڈی، کھنابل، مارتند، ڈانگرپورہ وعیرہ علاقِن پؠٹھ مشتمل۔ ۲۰۰۱ کہِ مردم شمٲری مطابق چھہ ضلٕچ کُل آبادی ۱۸۳۴۳۷۔

جایہِ

مارٹنڈ آفتاب مندر

مسجد بابا داوٗد کھکی چھےٚ شَہَرس مَنٛز پرٛانؠو قدیم ترین مسجدو مَنٛز اَکھ یۄس لگ بگ 1400 عیسوی مَنٛز بناونہٕ آمٕژ ٲس ۔

مارٹنڈ آفتاب مندر چھ کٔشیٖرِ ہُنٛد اَکھ اَہَم آثارِ قدیم مقامو مَنٛز اَکھ یُس لگ بگ 500 عیسوی مَنٛز بَناونہٕ آو ۔ یہِ مندر چھ اننت ناگ پؠٹھ 9 کلومیٖٹر مشرق - شمال مشرق تہٕ مٹن پؠٹھ جنوبس مَنٛز کہربلس مَنٛز واقع ۔ یہِ مشہوٗر آفتاب مندر اوس شاہمیری خاندانٕک حُکمران سکندر بوتھشیکنن تباہ کوٚرمُت ۔

تٲلیٖم

شَہَرس مَنٛز چھِ واریاہ پرٛایمیٚری میڈل سیکنڈری تہٕ ہایر سیکنڈری سکوٗل ۔ اعلی تٲلیم مَنٛز چھِ یِم ادارٕ قٲبِلہ ذکر:

• یونیورسٹی آف کشمیر ساؤتھ کیمپس اننت ناگ
• گورنمنٹ میڈیکل کالج ، اننت ناگ
• صنعتی ٹریننگ انسٹی ٹیوٹ - اننت ناگ
• گورنمنٹ ڈگری کالج فار بوائز اننت ناگ
• گورنمنٹ کالج فار ووٗیمن - اننت ناگ
• گورنمنٹ بوائز ماڈل ہائر سیکنڈری سکوٗل براک پور اننت ناگ
• الہاد کالج آف ایجوکیشن ، اننت ناگ
• جامیا کالج آف ایجوکیشن - اننت ناگ
• گورنمنٹ پولی ٹیکنک کالج اننت ناگ